Երկուշաբթի, 23 փետրվարի, 2026 թ.
|
Ստեփանակերտում`   +3 °C

Բողոքի ակցիաներ Վրաստանում. ցուցարարները դժգոհ են նախագահից և Արևմուտքից

Բողոքի ակցիաներ Վրաստանում. ցուցարարները դժգոհ են նախագահից և Արևմուտքից
710
Կիրակի, 30 ապրիլի, 2023 թ., 23:30

Կիրակի օրը՝ ապրիլի 30-ին, Թբիլիսիում բազմահազարանոց ակցիա է տեղի ունեցել՝ հանուն խաղաղության և կայունության, ընդդեմ Վրաստանում հեղափոխական սցենարների զարգացման և Արևմուտքի ճնշման, հայտնում է «Ինտերֆաքս»-ը։

Ըստ կազմակերպիչների՝ ակցիայի նպատակն է ցույց տալ վրաց հանրության դժգոհությունը՝ կապված երկրում հեղափոխական սցենարների զարգացման ռիսկերի և Վրաստանին պատերազմի մեջ ներքաշելու փորձերի հետ։

Ցուցարարները քննադատել են Վրաստանի նախագահ Սալոմե Զուրաբիշվիլիին, ով վերջին շրջանում նույն գաղափարներն է հնչեցնում, ինչ ընդդիմությունը։

Ցուցարարների պահանջներից մեկը՝ ուղղված Եվրոմիության և այլ երկրների քաղաքական գործիչներին, հետևյալն է՝ հարգել Վրաստանի պետական ​​ինքնիշխանությունը, չմիջամտել երկրի ներքին հասարակական-քաղաքական գործերին և կառուցել հարգանքի ու գործընկերության վրա հիմնված հարաբերություններ։