Բելգրադի դպրոցում կրակոցներից առնվազն 8 մարդ է զոհվել, մեծ մասը՝ երեխաներ

985

Չորեքշաբթի, 03 մայիսի, 2023 թ., 17:06

Ինչպես հայտնել ենք՝ Սերբիայի մայրաքաղաքի դպրոցներից մեկում յոթերորդ դասարանի աշակերտն այսօր կրակ էր բացել այսօր: Ոստիկանության վերջին տվյալներով՝ զոհվել է ութ աշակերտ և դպրոցի անվտանգության աշխատակիցը. ևս վեց երեխա և մեկ ուսուցիչ վիրավորվել են և գտնվում են շտապօգնության կենտրոնում. հաղորդում է BBC-ն:

Ոստիկանները բերման են ենթարկել կասկածյալին՝ նույն դպրոցի 14-ամյա աշակերտի։ Սա Սերբիայում մի քանի տարվա ընթացքում առաջին նման դեպքն է. չորս տարի առաջ Բելգրադից մոտ 100 կմ հեռավորության վրա գտնվող Վելիկա Պլանա քաղաքի միջնակարգ դպրոցում հրաձգություն է տեղի ունեցել, սակայն ոչ ոք չի տուժել։

Ոստիկանության տվյալներով, մահացած բոլոր երեխաները ծնվել են 2009-ից 2011 թվականներին: