ԱՄՆ պետքարտուղարը՝ Կրեմլի վրա անօդաչուներով հարձակման մասին

Կրեմլի վրա, ըստ ռուսական կողմի մեղադրանքների, ուկրաինական անօդաչու թռչող սարքերի հարձակումից հետո առաջին մեկնաբանությունները տվել է ԱՄՆ պետքարտուղար Էնթոնի Բլինքենը։

«Մենք թողնում ենք Ուկրաինային՝ որոշելու, թե ինչպես է նա պատրաստվում պաշտպանել իրեն և ինչպես է փորձում հետ վերցնել իր տարածքը»,- ասել է Բլինքենը՝ պատասխանելով Վաշինգթոնի դիրքորոշման մասին լրագրողների հարցին:

Բլինքենը հավելել է, որ Պետդեպարտամենտը դեռ բավարար տեղեկատվություն չունի այս միջադեպի մասին։ «Դժվար է մեկնաբանել կամ ենթադրություններ անել այս մասին՝ չիմանալով իրական փաստերը»,- բացատրել է նա: