Ուրբաթ, 18 սեպտեմբերի, 2026 թ.
|
Ստեփանակերտում`   +20 °C

Հայոց Ցեղասպանության տարելիցին նվիրված միջոցառում Թեհրանում

Հայոց Ցեղասպանության տարելիցին նվիրված միջոցառում Թեհրանում
289
Կիրակի, 07 մայիսի, 2023 թ., 00:30

Ապրիլի 28-ին Թեհրանի ՀՄՄ «Րաֆֆի» համալիրի «Մասիս» սրահում տեղի ունեցավ Հայոց Ցեղասպանության 108-րդ տարելիցին նվիրված միջոցառում: Այս մասիրն տեղեկացնում է Իրանում ՀՀ դեսպանությունը:

«Միջոցառմանը ներկա էին Թեհրանի ազգային իշխանության, ԻԻՀ-ում ՀՀ դեսպանության, Հայ Մշակութային Հասարակական Ֆորումի և Ս․ Մարիամ Աստվածածին Բարեգործական կենտրոնի վարչության, եկեղեցական խորհրդի, մի շարք հայկական միությունների ներկայացուցիչներ և հոծ բազմություն։
Միջոցառումը հագեցած էր ասմունքով, երգով, պարով և երաժշտական գեղեցիկ կատարումներով: Ելույթ ունեցան Միության «Մեղեդի» երգչախումբը, «Գարուն» պարախումբը և «Պարիսպ» նվագախումբը»:
Միջոցառման ավարտին ելույթով հանդես եկավ ԻԻՀ-ում ՀՀ դեսպանության խորհրդական Սերգեյ Գրիգորյանը»,-ասվում է դեսպանության հաղորդագրության մեջ։

Աղբյուրը`   Իրանում ՀՀ դեսպանություն