Զապորոժիեում բնակիչների տարհանումը «խելահեղ խուճապ» է առաջացրել

Ռուսաստանը «խելահեղ խուճապ» է առաջացրել՝ տարհանելով Զապորոժիեի ատոմակայանի հարևանությամբ գտնվող Էներգոդար քաղաքի բնակչությանը։ Այս մասին հայտարարել է Մելիտոպոլի ուկրաինացի քաղաքապետ Իվան Ֆեդորովը։

BBC-ն գրում է, որ ռուսական իշխանությունները կարգադրել են Զապորոժիեի շրջանի 18 բնակավայրի, այդ թվում՝ Էներգոդարի բնակիչներին՝ տարհանվել՝ ուկրաինական զորքերի կողմից սպասվող հարձակումից առաջ։
Ավելի վաղ հաղորդվել էր, որ Ատոմային էներգիայի միջազգային գործակալության (ՄԱԳԱՏԷ) տնօրեն Ռաֆայել Գրոսսին Զապորոժիեի ԱԷԿ-ում ստեղծված իրավիճակը անվանել է անկանխատեսելի և պոտենցիալ վտանգավոր, կոչ է արել անհապաղ միջոցներ ձեռնարկել ZNPP-ում լուրջ վթարի սպառնալիքը կանխելու համար։

ՄԱԳԱՏԷ-ն հաստատում է, որ ատոմակայանում աշխատող իր փորձագետները տեղեկություն են ստացել մոտակա Էներգոդար քաղաքից բնակիչների հայտարարված տարհանման սկզբի մասին. այստեղ ապրում է ԶԱԷԿ-ի անձնակազմի մեծ մասը։

Կիրակի օրն Ուկրաինայի գլխավոր շտաբը հայտնել է, որ խաղաղ բնակիչները տարհանվում են Բերդյանսկ և Պրիմորսկ քաղաքներ, որոնք գտնվում են Ռուսաստանի վերահսկողության տակ գտնվող տարածքներում:

Մելիտոպոլի քաղաքապետ Իվան Ֆեդորովը «Թլեգրամ»-ում գրել է, որ տարհանված տարածքների խանութները փակվել են ապրանքների և դեղորայքի բացակայությունից։ Նա նաև պնդում է, որ հիվանդանոցները դուրս են գրում հիվանդներին, քանի որ մտավախություն ունեն, որ էլեկտրաէներգիան և ջուրը կարող են անջատվել, եթե Ուկրաինան հարձակվի տարածաշրջանի վրա: Նաև, ըստ նրա, տարհանվող իբրև թե խաղաղ բնակիչների շարասյան երկու երրորդն իրականում նահանջող ռուս զինվորներ են: