Ռուսաստանը սաստկացրել է Ուկրաինայի հրթիռակոծումը. #Reuters

Ուկրաինայի զինված ուժերի ակնկալվող հակահարձակման նախաշեմին Ռուսաստանն ուժգնացրել է հրթիռային հարվածներն Ուկրաինայի ուղղությամբ։

Վերջին օրերին Ռուսաստանի զինված ուժերն ավելի ու ավելի շատ են կիրառում հեռահար հրթիռներ Ուկրաինայի քաղաքացիական օբյեկտների և ենթակառուցվածքների վրա հարձակվելու համար, հայտնում է Reuters-ը։

Գործակալության տվյալներով՝ հրթիռային հարձակումների մասին նախազգուշացումներ են հնչել Կիևում և Ուկրաինայի մայրաքաղաքից արևմուտք ընկած շրջաններում։

Ուկրաինայի Զինված ուժերի ռազմաօդային ուժերի հրամանատար Նիկոլայ Օլեշչուկի խոսքով՝ ռուս զինվորականներն ակտիվացրել են տարբեր տեսակի անօդաչու թռչող սարքերի աշխատանքն առաջնագծի ողջ երկայնքով։