Ուկրաինացիներն աշխարհում առաջին անգամ Patriot-ով խոցել են ռուսական Kinzhal-ը

965

Երկուշաբթի, 08 մայիսի, 2023 թ., 00:24

Ուկրաինայի զինված ուժերը դարձել են աշխարհում առաջին բանակը, որը կարողացել է բալիստիկ հրթիռ խոցել Patriot զենիթահրթիռային համակարգի միջոցով։

Մայիսի 4-ին Կիևի շրջանի երկնքում ռուսական Kinzhal հրթիռ է խոցվել։ Ուկրաինայի Զինված ուժերի ռազմաօդային ուժերի ներկայացուցիչ Յուրի Իգնատի խոսքով՝ այժմ Ուկրաինան ունի երկու տեսակի հակաօդային պաշտպանության համակարգ «բալիստիկի» դեմ՝ Patriot-ը և SAMP/T-ն.
«Երբ Patriot համակարգերն արդեն մարտական հերթապահություն են ստանձնել, այլ բան չի մնում, քան փորձարկելը։ Patriot-ը երբեք չի աշխատել X-47 Kinzhal-ի նման թիրախների հետ»,- նշել է Իգնատը:

Նա նշել է, որ չնայած Patriot-ի օգտագործման հաջողությանը, Ուկրաինան դեռ չի կարող լիովին պաշտպանել սեփական երկինքը։

Ըստ Իգնատի՝ Kinzhal-ի վնասազերծումը «շոկ» էր Ռուսաստանի համար։

Ուկրաինացիները մայիսի 6-ին հաստատել են Kinzhal-ի լիկվիդացման փաստը։ Այս մասին հայտարարել է Ուկրաինայի Զինված ուժերի ռազմաօդային ուժերի հրամանատար Նիկոլա Օլեշչուկը։