«Մեր առաջիկա քայլերն են լինելու՝ հասնել Կառավարության հրաժարականին». զոհված զինծառայողների ծնողներ

«Որդիների կանչ» սոցիալ-հայրենասիրական հասարակական կազմակերպությունը, որի անդամներն են 44-օրյա պատերազմում հերոսաբար անմահացած տղաների ծնողները, այսօրվա ասուլիսի ժամանակ հանդես են եկել հայտարարությամբ. «Որոշում ենք ընդունել սկսել ակտիվ պայքար՝ համախմբելով ՀՀ կարող ուժերին, ում համար թանկ է պետականությունն ու հայրենի հողը: Նախաձեռնողական պայքարի նպատակն է՝ կասեցնել պետականության գահավիժումը, ՀՀ-ը դարձնել զարգացած ու անվտանգ պետություն: Մեր առաջիկա քայլերն են լինելու՝ հասնել Կառավարության հրաժարականին, ձևավորել ազգային կառավարություն, ՀՀ, ԱՀ, Սփյուռքի ռեսուրների ու իրական շահակիցների՝ մեր դարավոր բարեկամ հարևանների ու դաշնակիցների հետ միասին, կառուցել անվտանգային նոր ճարտարապետություն»,- մասնավորապես նշել են նրանք: