Ուկրաինան առաջ է շարժվել Բախմուտի ուղղությամբ

Ուկրաինայի Զինված ուժերն առաջ են շարժվել Բախմուտի ուղղությամբ՝ աստիճանաբար ազատագրելով Ռուսաստանի կողմից գրավված տարածքները, ասել է «Տերրա» ստորաբաժանման հրամանատար Նիկոլա Վոլոխովը՝ «Աբդուլա» մականունով։

Նրա խոսքով՝ ստորաբաժանումը դիրքեր է զբաղեցրել ժամը 4:30-ին և արդեն լավ նորություններ ունի ուկրաինացիների համար։

«Մենք աշխատում ենք, ունենք արդյունք՝ մեկ կիլոմետր, մի ամբողջ կիլոմետր ուկրաինական հող է մաքրվել և ազատագրվել «վագներականներից», ազատագրվել է զավթիչներից։ Մենք շարունակում ենք աշխատել։ Կարծում եմ՝ այսօրվա համար սա դեռ ամենը չէ։ Հաղթանակը մերն է լինելու. փառք Ուկրաինային»,- ասել է նա։