Հինգշաբթի, 28 մարտի, 2024 թ.
|
Ստեփանակերտում`   +12 °C

Բրյուսելը գովել է Ուկրաինային Հաղթանակի օրը Եվրոպայի օրով փոխարինելու համար

Բրյուսելը գովել է Ուկրաինային Հաղթանակի օրը Եվրոպայի օրով փոխարինելու համար
451
Երկուշաբթի, 08 մայիսի, 2023 թ., 21:48

Եվրոհանձնաժողովը ողջունում է Ուկրաինայի նախագահ Վլադիմիր Զելենսկու որոշումը՝ մայիսի 9-ին նշելու Եվրոպայի օրը։ Նման հայտարարությամբ երկուշաբթի օրը՝ մայիսի 8-ին, հանդես է եկել ԵՄ բարձրագույն գործադիր մարմնի մամուլի ծառայության ներկայացուցիչ Դանա Սփինանտը։
Պաշտոնյան ասել է, որ պաշտոնական Կիևի համապատասխան որոշումը «ուկրաինացի ժողովրդի եվրոպական ինքնության արտացոլումն է»։

Մայիսի 9-ին եվրոպական երկրները նշում են Ածխի և պողպատի եվրոպական համայնքի ստեղծման մասին հռչակագրի տարեդարձը։ Դա համարվում է եվրոինտեգրման գործընթացի սկիզբ։
Ուկրաինայի նախագահ Վլադիմիր Զելենսկին ավելի վաղ որոշել էր երկրում մտցնել նոր տոն՝ Եվրոպայի օրը, որը պետք է նշվի մայիսի 9-ին ԵՄ երկրների հետ միասին։ Պետության ղեկավարի հրամանագրում նշվում է, որ նման որոշում է կայացվել ուկրաինացի ժողովրդի եվրոպական ինքնության հետ կապված և Եվրոպայի ժողովուրդների միասնությունն ամրապնդելու նպատակով։

Ի նշան ուկրաինացի ժողովրդի լիակատար աջակցության՝ Եվրոհանձնաժողովի նախագահ Ուրսուլա ֆոն դեր Լեյենը մայիսի 9-ին կայցելի Ուկրաինա։ Սպասվում է, որ նա հանդիպում կունենա Զելենսկու հետ։