Մասքը կհեռանա Twitter-ի գլխավոր տնօրենի պաշտոնից

Ամերիկացի ձեռնարկատեր, միլիարդատեր Իլոն Մասքը հայտարարել է, որ վեց շաբաթվա ընթացքում կլքի Twitter-ի գլխավոր տնօրենի պաշտոնը։ Այս մասին նա գրել է իր միկրոբլոգում։

Մասքը հայտնել է, որ նոր գործադիր տնօրեն է վարձել, ով կսկսի պարտականությունները վեց շաբաթվա ընթացքում:

Մասքը նաև նշել է, որ ինքը կզբաղեցնի գործադիր նախագահի և տեխնիկական տնօրենի պաշտոնները: