Ուրբաթ, 15 մայիսի, 2026 թ.
|
Ստեփանակերտում`   +21 °C

Հայաստանի՝ Իսրայելին 12 միավոր շնորհած ազգային ժյուրիի կազմը

Հայաստանի՝ Իսրայելին 12 միավոր շնորհած ազգային ժյուրիի կազմը
3087
Կիրակի, 14 մայիսի, 2023 թ., 03:42

Լիվերպուլում կայացած «Եվրոտեսիլ 2023» երգի միջազգային մրցույթում հաղթող ճանաչվեց Շվեդիան։ Հայաստանի պատվիրակ Բրյունետը, որը կատարել է իր հեղինակային «Future Lover» երգը, զբաղեցրեց 14-րդ հորիզոնականը։

Ինչպես արդեն հայտնել ենք, Հայաստանի ազգային ժյուրին ամենաբարձր՝ 12 միավորը տվել էր Իսրայելին։ Վերջինս Հայաստանին ոչ մի միավոր չէր տվել։ Ազգային ժյուրիի այս որոշումն արդեն իսկ առաջացրել է բազմաթիվ օգտատերի դժգոհությունը, հաշվի առնելով այն հանգամանքը, որ Իսրայելը մեր թշնամի Ադրբեջանի դաշնակիցն է, և շարունակաբար զինում է նրան։ Ի դեպ Ադրբեջանի ազգային ժյուրին ևս 12 միավոր էր տվել Իսրայելին։

Ահա, թե ովքեր են Հայաստանի ազգային ժյուրիի կազմում՝ Սոնա Ռուբենյան, Հրաչ Քեշիշյան, Արսեն Գրիգորյան, Դավիթ Բադալյան, Վահագն Գևորգյան։