Թուրքիայի ռազմաօդային ուժերն ստացել են առաջին արդիականացված F-16 կործանիչները

Թուրքական ընկերությունների ջանքերով արդիականացված առաջին F-16 կործանիչները հանձնվել են Թուրքիայի ռազմաօդային ուժերի հրամանատարությանը։ Այս մասին Twitter-ում հայտնել է Թուրքիայի պաշտպանական արդյունաբերության տնօրինության ղեկավար Իսմայիլ Դեմիրը։

F-16 կործանիչների արդիականացման ներքին նախագիծը նախաձեռնվել է Թուրքիայի նախագահի աշխատակազմին առընթեր պաշտպանական արդյունաբերության տնօրինության կողմից և ստացել Özgür անվանումը։

Այս նախագծի շրջանակներում ինքնաթիռների վրա փոխարինվել են ռադարները, կառավարման, ավիոնիկայի համակարգերը, և այլ սարքավորումներ, ինչը հնարավորություն է տվել F-16 Block 30-ի ծառայության ժամկետը 8000-ից հասցնել 12000 ժամի: