Ավտովթարի հետևանքով մահացել է Հրանտ Բագրատյանի եղբայրը

Ինչպես արդեն հայտնել ենք, այսօր՝ մայիսի 21-ին, ողբերգական ավտովթար է տեղի ունեցել Երևանում։ Ժամը 00։10-ի սահմաններում Երևանի բնակիչ 57-ամյա Մհեր Բ-ն իր վարած Porsche Cayenne մակնիշի ավտոմեքենայով Մյասնիկյան պողոտայի և Ռուբինյանց փողոցի հատման վայրում բախվել է բաժանարար բետոնե պատնեշին։ Վարորդը տեղում մահացել էր: Ավելի ուշ ֆոտոլրագրող Գագիկ Շամշյանը տեղեկացրել է, որ ավտովթարի հետևանքով մահացածը ՀՀ նախկին վարչապետ Հրանտ Բագրատյանի եղբայրն էր:

Ըստ նախնական տեղեկությունների՝ հնարավոր է՝ ավտոմեքենան վարելիս վերջինը հանկարծամահ է եղել։