Երկուշաբթի, 09 մարտի, 2026 թ.
|
Ստեփանակերտում`   0 °C

G7-ը չի դադարի աջակցել Ուկրաինային. Բայդեն

G7-ը չի դադարի աջակցել Ուկրաինային. Բայդեն
1980
Կիրակի, 21 մայիսի, 2023 թ., 19:06

G7-ը չի դադարի աջակցել Ուկրաինային, հայտարարել է ԱՄՆ նախագահ Ջո Բայդենը Հիրոսիմայի գագաթնաժողովում։ Սպիտակ տան ղեկավարն անձամբ է հանդիպել Ուկրաինայի նախագահ Վլադիմիր Զելենսկու հետ և խոստացել ռազմական օգնության նոր մեծ փաթեթ։ Խոսքը, մասնավորապես, ԱՄՆ-ում ուկրաինացի օդաչուների վերապատրաստման մասին է։

Վլադիմիր Զելենսկին էլ ասել է, որ ուկրաինացի զինվորականները շարունակում են դիրքերը պահպանել ավերված Բախմուտում։
«Այսօր նրանք շատ կարևոր խնդիր են կատարում. այսօր նրանք Բախմուտում են։ Չեմ ասի, թե որ կետերում, բայց սա խոսում է այն մասին, որ Բախմուտն այսօր չի գրավվել Ռուսաստանի Դաշնության կողմից»,- ասել է Զելենսկին։

Հիրոսիմայի Խաղաղության հուշահամալիրում Վլադիմիր Զելենսկին ասել է, որ ատոմային ռմբակոծությունից հետո ճապոնական քաղաքի ավերակները իրեն հիշեցրել են ուկրաինական քաղաքների ավերակները, ինչպիսին Բախմուտն է։ Նախագահի խոսքով՝ ուկրաինացիները նույնպես երազում են վերականգնել պատերազմի հետևանքով ավերված բնակավայրերը, ինչպես Հիրոսիման կարողացավ ուշքի գալ ողբերգությունից։