«Մենք ռուսներին քշելու ազդակներ չենք ստացել»․ Փաշինյան

«Վերջերս ՌԴ ԱԳ նախարարը հայտարարեց, թե իրենք հստակ տեղեկություն ունեն, որ Արևմուտքը հայերին ուղերձ է հղում, թե՝ եկեք մեզ մոտ, քշեք ձեր տարածքից ռուսներին ու ամերիկացիները կօգնեն ձեզ ապահովել ձեր տարածքային անվտանգությունը»,- ասուլիսի ժամանակ դիմելով վարչապետ Փաշինյանին՝ ասաց լրագրողներից մեկը: Վարչապետը նշեց՝ չգիտի մեջբերումն ինչքանով է ճշգրիտ, և հիմնվելով մեջբերման վրա՝ ասաց, որ ՀԱՊԿ առաքելությունը ՀՀ տարածքում չի գործում, քանի որ չի մատնանշում՝ ո՞րն է իր պատկերացրած ՀՀ տարածքը: Փաշինյանը նաև հավելեց, որ «մենք Արևմուտքից ռուսներին քշելու ազդակներ չենք ստացել»: