Հարավային Կորեան հարյուր հազարավոր արկեր է գաղտնի մատակարարել Ուկրաինային. #WSJ

Հարավային Կորեան Վաշինգթոնի հետ գաղտնի համաձայնության է եկել Ուկրաինային հրետանային արկերի փոխանցման վերաբերյալ և հարյուր հազարավոր զինամթերքի մեծ խմբաքանակ է մատակարարել, գրում է The Wall Street Journal-ը՝ հղում անելով իր աղբյուրներին։

Լրատվամիջոցները մանրամասնում են, որ կողմերն այս հարցում «ընդհանուր հայտարարի» են եկել մեկ տարուց ավելի ձգվող քննարկումներից հետո։ Դա տեղի է ունեցել երկրի նախագահ Յուն Սեոկ-Յոլի այցի շնորհիվ (ապրիլին նա եկել էր Վաշինգթոն՝ հանդիպելու ամերիկացի առաջնորդ Ջո Բայդենի հետ)։