Վանաձորի բնակչուհին 7 գործընկերների հեռախոսներով առցանց կեղծ վարկային գործարքներ է կնքել և գումարներ հափշտակել
![]() 211 Հինգշաբթի, 25 մայիսի, 2023 թ., 18:30 Պարզվել են Վանաձոր քաղաքի 28-ամյա բնակչուհու կողմից մի շարք գործընկերներից խարդախությամբ խոշոր չափի գումարներ հափշտակելու դեպքի հանգամանքները: ՀՀ քննչական կոմիտեի Լոռու մարզային քննչական վարչությունում իրականացված քննչական և վարութային գործողությունների արդյունքում ձեռք բերված փաստական տվյալներով հիմնավորվել է, որ 28-ամյա կինը, աշխատելով Վանաձոր քաղաքում գործող կարի ֆաբրիկայում, իր անձնական կարիքները հոգալու նպատակով և կեղծ փաստաթղթեր կազմելով, դրամական միջոցներ հափշտակելու դիտավորությամբ, օգտվելով իր գործընկերների անուշադրությունից ու մոլորության մեջ գցելով նրանց, հափշտակել է տարբեր չափերի գումարներ: Մասնավորապես, գործընկերների բջջային հեռախոսներում տարբեր բանկերի և վարկային կազմակերպության բջջային հավելվածները ներբեռնելու և ակտիվացնելու պատրվակով, հավելվածների առկայության դեպքում՝ այլ պատրվակներով, վերցրել է նրանց բջջային հեռախոսները և առանձնացել նրանցից: Այնուհետև ներբեռնելով հավելվածները՝ գործընկերներից գաղտնի, նրանց անհատականացնող տվյալների օգտագործմամբ, առցանց եղանակով կնքել է վարկային պայմանագրեր՝ դրանցում ներառելով իրականությանը չհամապատասխանող տեղեկություններ, այդ թվում՝ գործընկերների՝ որպես վարկառու հանդես գալու և պայմանագրի դրույթներին համաձայնություն տալու մասին: Այնուհետև օգտագործելով նշված էլեկտրոնային կեղծ փաստաթղթերը՝ խաբեության եղանակով, գործընկերների փոխարեն՝ իբրև որպես վարկառու, ստացել է վարկային կեղծ պայմանագրերով հատկացված գումարները հիշյալ գործընկերների հաշվեհամարներին, ապա վերը նշված բջջային հավելվածների միջոցով փոխանցելով մեկ այլ հաշվեհամարի, կանխիկացրել և տնօրինել է դրանք: 28-ամյա կնոջ կողմից նշված մեխանիզմով կատարված հանցավոր գործողություններից տուժել է 7 անձ, նա ամբողջությամբ վերականգնել է պատճառված վնասը։ Ձեռք բերված բավարար փաստերի հիման վրա Վանաձոր քաղաքի 28-ամյա բնակչուհուն մեղադրանք է ներկայացվել՝ ՀՀ քրեական օրենսգրքի 178-րդ հոդվածի 2-րդ մասի 2-րդ կետով, որը համապատասխանում է ՀՀ գործող քրեական օրենսգրքի 255-րդ հոդվածի 2-րդ մասի 3-րդ կետին (2 դրվագ) և 325-րդ հոդվածի 1-ին մասով որը համապատասխանում է ՀՀ գործող քրեական օրենսգրքի 457-րդ հոդվածի 1-ին մասին (9 դրվագ): Նրա նկատմամբ որպես խափանման միջոց է ընտրվել բացակայելու արգելքը: Նախաքննությունն ավարտվել է: Քրեական վարույթի նյութերը, մեղադրական եզրակացությամբ, ուղարկվել են հսկող դատախազին՝ այն հաստատելու և դատարան ուղարկելու համար: |
Ադրբեջանի ՊՆ-ն հերթական ապատեղեկատվությունն է տարածել
487Երեկ, 12:39Ադրբեջանի ԶՈՒ-ն կրակել է Խնածախի ուղղությամբ
184Երեկ, 09:46«Միասին կառուցելու ենք ավելի հզոր և խաղաղ Հայաստան». Ռոբերտ Քոչարյան
95609.05.2025, 10:12«Տոներից երկուսը մսխված են, սակայն ոչինչ անվերադարձ կորսված չէ». Սերժ Սարգսյան
38509.05.2025, 09:48«Աղոթք ենք բարձրացնում աշխարհի խաղաղության, մեր հայրենիքի ու ժողովրդի անվտանգ, ապահով ու բարօր կյանքի համար». Գարեգին Բ
32009.05.2025, 09:36«ՀՀ-ի և Ադրբեջանի միջև պատերազմ չի՛ լինելու». Նիկոլ Փաշինյան
40809.05.2025, 09:30«Ադրբեջանի ԶՈՒ-ն կրակ է բացել Խնածախի ուղղությամբ». ՀՀ ՊՆ
19808.05.2025, 17:30Նիկոլ Փաշինյանը մեկնել է ՌԴ
19708.05.2025, 17:12