Շաբաթ, 12 սեպտեմբերի, 2026 թ.
|
Ստեփանակերտում`   +19 °C

Գերագույն հոգևոր խորհրդի ժողովում կքննարկվի Հայաստանում ու Արցախում ստեղծված կացությունը

Գերագույն հոգևոր խորհրդի ժողովում կքննարկվի Հայաստանում ու Արցախում ստեղծված կացությունը
421
Երկուշաբթի, 05 հունիսի, 2023 թ., 22:18

Հունիսի 5-ին Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նախագահությամբ, մեկնարկեց Գերագույն հոգևոր խորհրդի ժողովի աշխատանքները:

Այս մասին հայտնում է Մայր Աթոռ Ս. Էջմիածին Հայաստանյայց Առաքելական Ս. Եկեղեցու տեղեկատվական համակարգը։
«Ժողովը բացվեց Տերունական աղոթքով, որից հետո Գերագույն հոգևոր խորհրդի հոգևորական և աշխարհական անդամներին ողջունեց և իր օրհնությունն ու բարեմաղթանքները փոխանցեց Ամենայն Հայոց Կաթողիկոսը:
Նորին Սրբությունն առանձնակի գոհունակությամբ ընդգծեց, որ այսօրվանից մեկնարկում է նաև Միաբանական համագումարը, որի առիթով Մայր Աթոռ Սուրբ Էջմիածնում են համախմբվել Հայաստանի ու Սփյուռքի թեմերից միաբան վարդապետներն ու աբեղաները։
ԳՀԽ ժողովի ընթացքում կքննարկվեն Հայաստանում ու Արցախում ստեղծված կացությունը և Արցախին ուղղված սոցիալական աջակցության ծրագրերը, Մայր Տաճարի վերանորոգմանը, Մյուռոնօրհնության արարողությանը և հարակից այլ միջոցառումների կազմակեպմանը, հանրակրթական դպրոցներում «Հայոց Եկեղեցու պատմություն» առարկայի դասավանդմանը, իչնպես նաև նվիրապետական աթոռների ու թեմերի գործունեությանն առնչվող հարցեր։
Ժողովի աշխատանքները կշարունակվեն մինչև հունիսի 8-ը»,-նշված է հաղորդագրությունում։