ՆԱՏՕ-ի անդամները փոխհամաձայնության չեն հասել Ուկրաինայի անդամակցության հարցում

ՆԱՏՕ-ի գլխավոր քարտուղարի տեղակալ Միրչա Ջոանեն հայտարարել է, որ ՆԱՏՕ-ի անդամ երկրները փոխհամաձայնության չեն հասել Ուկրաինայի անդամակցության հարցում: «Ներկայումս ՆԱՏՕ-ի ներսում կոնսենսուս չկա»,- ասել է նա։ Վերջինի խոսքով՝ Ուկրաինայում Ռուսաստանի հատուկ գործողությունը շարունակվում է, ուստի երկրի՝ ՆԱՏՕ մտնելու հարցը «պետք է հետաձգվի»։

Ապրիլին ՆԱՏՕ-ի գլխավոր քարտուղար Յենս Սթոլթենբերգը հայտարարել էր, որ «Ուկրաինայի ապագան ՆԱՏՕ-ում է»: Իր հերթին Կրեմլի խոսնակ Դմիտրի Պեսկովն ասել էր, որ «ՆԱՏՕ-ին Ուկրաինայի միանալը լուրջ և էական սպառնալիք կստեղծի ՌԴ անվտանգության համար»: