«Ռուսները հազար անգամ տարբեր անկյուններից ցուցադրում են ուկրաինական խոցված տեխնիկան». Լլոյդ Օսթին

Մոտ հիսուն երկրների ռազմական գերատեսչությունների ղեկավարենր հինգշաբթի ՆԱՏՕ-ի կենտրոնակայանում մասնակցում էին Ուկրաինայի պաշտպանության գծով խմբի հերթական հանդիպմանը՝ քննարկելու հակահարձակման մեկնարկից հետո առաջացած Կիևի կարիքները:
ԱՄՆ պաշտպանության նախարար Լլոյդ Օսթինն Ուկրաինայում ընթացող մարտերն անվանել է երկարաժամկետ աջակցության կարիք ուեցող «մարաթոն», ոչ թե ավարտին մոտեցող «սպրինտ», հայտնում է «Ամերիկայի ձայն»-ը:

Ուկրաինական հակահարձակման առաջին շաբաթվա ընթացքում խոցված ռուսական տանկերն ընկած են եղել ազատագրված գյուղերից մեկի երկայնքով։ Ռուսաստանն էլ իր հերթին ցուցադրել է Ուկրաինային պատկանող խոցված ամերիկյան զրահատեխնիկան։ «Ռուսական կողմը մոտ հազար անգամ տարբեր կողմերից ցույց է տվել այդ նույն խոցված 5 մեքենաները... Պատերազմ է, երկու կողմն էլ վնասներ են կրում»,- ասել է Լլոյդ Օսթինը՝ հավելելով, որ ուկրաինացիներն ունեն բարձր մարտունակություն: