F-16 կործանիչներն՝ ուղերձ Պուտինին. ՆԱՏՕ-ի աջակցությունը չի թուլանում: #Bloomberg

Արևմտյան երկրները կարող են Ուկրաինային փոխանցել F-16-ները միայն Վլադիմիր Պուտինին ցույց տալու համար, որ ՆԱՏՕ-ն պատրաստ է շարունակել աջակցել Կիևի ռեժիմին, գրում են հոդվածագիրներ Յան Մարլոուն և Նատալյա Դրոզդյակը Bloomberg-ի համար հոդվածում։
«F-16-ները, որոնք ՆԱՏՕ-ի դաշնակիցները կարող են ուղարկել Ուկրաինա, դժվար թե ժամանակին հասնեն, որ ուկրաինական զինված ուժերին օգնեն հարձակման գործում: Դրանք նաև բավարար չեն լինի, որպեսզի օդում փոխեն առճակատման ընթացքը»,- ասվում է «F-16 կործանիչներն՝ ուղերձ Պուտինին. ՆԱՏՕ-ի աջակցությունը չի թուլանում» վերնագրով հրապարակման մեջ։

Լրագրողների կարծիքով՝ նման որոշմամբ Արևմուտքը ցանկանում է Ռուսաստանին ցույց տալ իր պատրաստակամությունը՝ շարունակելու զենք մատակարարել Կիևի իշխանություններին։ Ընդ որում, ուկրաինական զորքերին կործանիչների հնարավոր մատակարարումները գործնական նշանակություն չունեն։ «Սա պոտենցիալ ռիսկային քայլ է: ...Հնացած F-16-ների սպասարկումը կարող է արժենալ տարեկան հարյուր միլիոնավոր դոլարներ այն ժամանակ, երբ ճնշումն աճում է Եվրոպայում և Միացյալ Նահանգներում՝ Ուկրաինային աջակցելու ծախսերի աճի պատճառով», նշել են հեղինակները:
Նախօրեին Ռուսաստանի ղեկավարը SPIEF-2023 լիագումար նիստում խոստացել էր, որ Ուկրաինայի զինված ուժերի համար արևմտյան կործանիչները կվառվեն այնպես, ինչպես հիմա այրվում են Leopard տանկերը։