Իրանի քաղաքացիները հայց են ներկայացրել ԱՄՆ կառավարության դեմ՝ գեներալ Սոլեյմանիի սպանության համար

Թեհրանի դատարանում դատավոր Հոսեյնզադեի նախագահությամբ կայացել է գեներալ Ղասեմ Սոլեյմանիի սպանության հետ կապված նյութական, բարոյական և պատժիչ վնասների փոխհատուցման գործով երրորդ դատական ​​նիստը։

Իրանի՝ շուրջ 3000 քաղաքացի հայց է ներկայացրել ԱՄՆ կառավարության դեմ։
Դատավորի խոսքով՝ դատական ​​նիստը ներառել է հանրապետության տարբեր մարզերից ստացված 114 դասի դատական ​​գործեր։
«Գործով մեղադրյալների ցուցակում ընդգրկված են Միացյալ Նահանգների այն ժամանակվա նախագահը (Դոնալդ Թրամփ-խմբ.) և այդ երկրի այն ժամանակվա արտաքին գործերի նախարարը»,- ասել է Հոսեյնզադեն։
Նա հավելել է, որ ԱՄՆ կառավարությունը բազմիցս դատական ​​հայցեր է ներկայացրել Իրանի Իսլամական Հանրապետության կառավարության և երկրի պաշտոնական իշխանությունների դեմ և խախտել է դատական ​​անձեռնմխելիությունը։
Միջազգային գործերի իրավական դատարանի 55-րդ բաժնի նախագահը հրավիրել է հայցվորների փաստաբաններին։