Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Սուրբ եղիցի անունը Քո». Ղուկաս Չուբարյանի քանդակներից ևս մեկը կզարդարի Երևանը

«Սուրբ եղիցի անունը Քո». Ղուկաս Չուբարյանի քանդակներից ևս մեկը կզարդարի Երևանը
2367
Կիրակի, 18 հունիսի, 2023 թ., 00:18

2023 թվականի հունիսի 16-ին լրացավ հայ անվանի քանդակագործ, ՀԽՍՀ ժողովրդական նկարիչ, ԽՍՀՄ գեղարվեստի ակադեմիայի անդամ Ղուկաս Չուբարյանի ծննդյան 100-ամյակը:
Ղուկաս Չուբարյանի ծննդյան օրը նշանավորվեց մի շարք միջոցառումներով, որոնցից հատկապես ուշագրավ էր Երևանի Մանկական այգում նրա ստեղծագործություններից ևս մեկի՝ «Սուրբ եղիցի անունը Քո» քանդակի հանդիսավոր բացումը։

«Սուրբ եղիցի անունը Քո». Ղուկաս Չուբարյան
«Սուրբ եղիցի անունը Քո». Ղուկաս Չուբարյան

Քանդակագործն այս աշխատանքը ստեղծել է 1985 թվականին։
«Սուրբ եղիցի անունը Քո». Ղուկաս Չուբարյան
«Սուրբ եղիցի անունը Քո». Ղուկաս Չուբարյան
Այն նվիրված է Հայրենական պատերազմում զոհված իր եղբոր հիշատակին։ Մտահաղացման համաձայն, քանդակը պետք է կանգնեցվեր Լենինգրադի մերձակա եղբայրական գերեզմանոցում, սակայն այն այդպես էլ չի իրագործվում։ Քանդակի տարբերակներից մեկը ձեռք է բերել Տրետյակովյան պատկերասրահը։

Ղուկաս Չուբարյանի ծննդյան 100-ամյակը պատշաճ նշանավորելու նպատակով ՀՀ կրթության, գիտության, մշակույթի և սպորտի նախարարի հրամանով ստեղծվել է հոբելյանական հանձնաժողով՝ նախարարի տեղակալ Արայիկ Խզմալյանի նախագահությամբ: Հոբելյանական տարվա ընթացքում նախատեսվում են մի շարք միջոցառումներ, որոնք միտված են մեծանուն արվեստագետի հարուստ ժառանգության վերարժևորմանը և հանրայնացմանը: