Հակառակորդը դժգոհում է՝ Երևանը Բաքվին դեռ չի տրամադրել ականապատ դաշտերի ճշգրիտ քարտեզներ

Հայաստանը դեռևս Ադրբեջանին չի տրամադրում ականապատ դաշտերի ճշգրիտ քարտեզներ, ասել է Ադրբեջանի ԱԳՆ-ի հատուկ դեսպան Էլշադ Իսկանդերովը։

Ինչպես նշել է Իսկանդերովը, 2020 թվականի նոյեմբերից ի վեր Ադրբեջանի «ազատագրված տարածքներում» (իրականում Հայաստանի Հանրապետությունից ու Արցախի Հանրապետությունից բռնազավթված-խմբ) տեղի ունեցած 179 միջադեպի հետևանքով զոհվել է 57, ծանր վիրավորվել՝ 247 քաղաքացի։

Էլշադ Իսկենդերովն իր խոսքում դժգոհել է. «Գրեթե 30 տարի տևած օկուպացիայի արդյունքում Հայաստանի կողմից դիտավորյալ ականներով աղտոտվել է մեր երկրի տարածքի մոտ 10%-ը, դրանցում թաղվել է ավելի քան մեկուկես միլիոն ական: Չնայած առկա դժվարություններին, Ադրբեջանի ականապատ տարածքների մեկ տասներորդն արդեն մաքրվել է»։