Իսրայելում ահաբեկչության զոհերի թիվն ավելացել է

Իսրայելում տեղի ունեցած ահաբեկչության հետևանքով չորս մարդ է մահացել, ևս չորսը հոսպիտալացվել են։ Վիրավորներից մեկի վիճակը ծանր է, երկուսինը՝ միջին ծանրության, մեկը թեթև վնասվածքներ է ստացել, հաղորդում են իսրայելական լրատվամիջոցները։

Մեկ հրձիգ սպանվել է. ոստիկանությունը պարզել է, որ հարձակումը 2 կետերում իրականացրել են առնվազն 2 ահաբեկիչներ։

Էլի գյուղի բնակիչներին, որի մոտ տեղի է ունեցել հարձակումը, հրահանգել են փակվել իրենց տներում և արգելել դուրս գալ փողոց։

Իսրայելական բանակը հաստատել է, որ մեկ ահաբեկիչ վնասազերծվել է բենզալցակայանում, իսկ երկրորդը, որին ֆիքսել են բենզալցակայանի տեսահսկման տեսախցիկները, հետապնդվում է։