Երկուշաբթի, 21 ապրիլի, 2025 թ.
|
Ստեփանակերտում`   +21 °C

Կհնչի անգլիացի կոմպոզիտոր Գուստավ Հոլսթի «Մոլորակները» սյուիտը

Կհնչի անգլիացի կոմպոզիտոր Գուստավ Հոլսթի «Մոլորակները» սյուիտը
1754
Հինգշաբթի, 22 հունիսի, 2023 թ., 03:00

Հունիսի 29-ին ունկնդիրը կհայտնվի մոլորակների երաժշտական հանդիսավոր «շքերթում». անգլիացի կոմպոզիտոր Գուստավ Հոլսթի «Մոլորակները» ստեղծագործությունը Հայաստանի պետական սիմֆոնիկ նվագախումբը՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ, կներկայացնի Արամ Խաչատրյան համերգասրահում։ Հոլսթի «Մոլորակները» սյուիտը հիմնված է կոմպոզիտորի՝ երկնային մարմիններին վերագրած կերպարային տպավորությունների վրա։ «Մոլորակները» սյուիտը լի է տրամադրությունների փոփոխություններով: Ստեղծագործության յուրաքանչյուր բաժին նվիրված է մոլորակներից մեկին։

Համերգին կհնչի նաև Էրիխ Վոլֆգանգ Կորնգոլդի «Ռոբին Հուդի արկածները» սիմֆոնիկ սյուիտը և Ջութակի կոնցերտը՝ իտալացի վիրտուոզ ջութակահարուհի՝ Աննա Տիֆուի կատարմամբ։

Համերգին կմասնակցի նաև Հայաստանի ազգային ակադեմիական երգչախումբը (գեղարվեստական ղեկավար և գլխավոր դիրիժոր՝ Հովհաննես Չեքիջյան)։