«Ռուսների փոխանցմամբ՝ ադրբեջանցիք չեն թույլատրում հիվանդ երեխային ուղղաթիռով տեղափոխել Երևան». Տ. Պետրոսյան

ԱՀ նախագահին կից հակաճգնաժամային խորհրդի նախագահ Տիգրան Պետրոսյանը գրում է. «Ստեփանակերտի մանկական հիվանդանոցում ծայրահեղ ծանր վիճակում երեխա է պառկած, ով խիստ կարիք ունի Երևան տեղափոխվելու։
Այս մասին երեկ տեղեկացվել է ռուս խաղաղապահների հրամանատարությանը, որպեսզի քայլեր ձեռնարկեն՝ տեղափոխեն երեխային Երևան։ Ռուսները ասում են, որ ադրբեջանցիք չեն թույլատրում հիվանդ երեխային ուղղաթիռով տեղափոխել Երևան։
Այս պահին ընթանում են բանակցություններ և եթե երեխային չտեղափոխեցին Երևան, ապա կարծում եմ, բոլորիս համար պարզ կդառնա, թե ինչի են ընդունակ խաղաղապահները։
Աստված չանի, եթե երեխայի հետ մի բան պատահի, «մազի» կամրջի Պուտինի նկարը հանելու ենք…»: