ԱՄՆ-ը նախապես գիտեր Պրիգոժինի ծրագրերի մասին. #NYT

3302

Կիրակի, 25 հունիսի, 2023 թ., 10:06

ԱՄՆ ազգային անվտանգության բարձրաստիճան պաշտոնյաներնը դեռ հունիսի 21-ին գիտեին «Վագներ»-ի հիմնադիր Պրիգոժինի մտադրությունների մասին, գրում է The New York Times-ը։ Թե կոնկրետ երբ են նրանք ստացել այս տեղեկությունները, հայտնի չէ։ Ըստ NYT-ի, հետախուզության պաշտոնյաները չորեքշաբթի զրույցներ են ունեցել ԱՄՆ վարչակազմի, ՊՆ պաշտոնյաների հետ, իսկ հինգշաբթի ստացել լրացուցիչ հաստատում:

Նշվում է, որ մի քանի ամիս շարունակ Վաշինգթոնը հետևել է Պրիգոժինի հարաբերությունների զարգացմանը ՌԴ ՊՆ ղեկավարության հետ և որ ԱՄՆ-ին հաջողվել է գաղտնալսել ռուս բարձրաստիճան զինվորականների խոսակցությունները:

CNN-ը ևս անդրադարձել է այս թեմային՝ հղում կատարելով իր աղբյուրներին: Վերջինների կարծիքով, Ուկրաինայում գործողությունների համար զինամթերքի պակասի մասին Պրիգոժինի հայտարարությունը կանխամտածված է եղել՝ ՌԴ ղեկավարության դեմ ռազմական մարտահրավերի հիմքը դնելու համար։