Թալիբները վերադարձնում են Աֆղանստանի կանանց «ազատ մարդկանց» կարգավիճակը 

Թալիբների գերագույն առաջնորդ Էմիր Հայբաթուլլահ Ախունդզադան հայտարարել է աֆղան կանանց «ավանդական ճնշումից» ազատելու և նրանց «ազատ մարդկանց» կարգավիճակը վերադարձնելու մասին, հայտնում է Aljazeera գործակալությունը։

Թալիբները, ըստ Ախունդզադայի՝ մուսուլմանական Իդ ալ-Ադհա տոնի կապակցությամբ իր ուղերձում, «կոնկրետ միջոցներ» են ձեռնարկել կանանց շարիաթի իրավունքները պաշտպանելու և նրանց ավանդական ճնշումներից, այդ թվում՝ հարկադիր ամուսնությունից փրկելու համար: Նա նաև ընդգծել է, որ երկրում վերականգնվել է աֆղան կանանց՝ «ազատ և արժանի մարդկանց» կարգավիճակը, և բոլոր կառույցները պարտավոր են ապահովել նրանց՝ ամուսնանալու, ժառանգություն ստանալու և այլ իրավունքները։

«Մենք անհրաժեշտ քայլեր ենք ձեռնարկել կանանց վիճակը բարելավելու համար, որպեսզի նրանց ապահովենք հարմարավետ և բարեկեցիկ կյանք՝ համաձայն իսլամական շարիաթի»,- ասել է թալիբների առաջնորդը՝ նշելով, որ Աֆղանստանում կանանց խնդիրները կապված են նաև «20-ամյա օկուպացիայի բացասական կողմերով»:

2023 թվականի հունվարին Աֆղանստանում թալիբների կառավարության կրթության նախարարությունն արգելեց մասնավոր բուհերին՝ ընդունել կանանց ընդունելության քննություններ: Նախարարության գրության մեջ ասվում էր, որ արգելքը խախտելու համար բուհերը կենթարկվեն դատական ​​պատասխանատվության։
Ավելի վաղ՝ 2022 թվականի դեկտեմբերին, Աֆղանստանը դադարեցրեց մուտքը համալսարաններ արդեն իսկ ընդունված կին ուսանողների համար: Բացի այդ, թալիբների կառավարությունն արգելել է կանանց աշխատել ոչ կառավարական կազմակերպություններում, որոնց թիվը մոտ 180-ն է երկրում: Այդ արգելքի պատճառով ՄԱԿ-ը դադարեցրել է որոշ մարդասիրական ծրագրեր երկրում: Թալիբները նաև արգելում էին աղջիկներին դպրոց հաճախել դպրոցների մեծ մասում:

2021 թվականի օգոստոսին իշխանության գալուց հետո թալիբները խոստացան հարգել կանանց իրավունքները, սակայն շուտով սկսեցին սահմանափակումներ մտցնել։ 2021 թվականի սեպտեմբերին նրանք փոխել են համալսարանների կանոնները. տղամարդկանցից և կանանցից պահանջվում էր առանձին սովորել և դասի գալ՝ խիստ դրես-կոդի համաձայն, ինչը ենթադրում է լիակատար հավատարմություն իսլամի ավանդույթներին, ինչպես հասկանում են թալիբները: Իսլամիստները լուծարեցին կանանց գործերի 20-ամյա նախարարությունը, աղջիկների համար սահմանափակեցին դպրոցական կրթություն ստանալու հնարավորությունը, կանանց արգելեցին սպորտով զբաղվել, իսկ հեռուստահաղորդավարներն ստիպված էին հիջաբ կրել: