Պուտինը «վագներականներին» դրել է ընտրության առջև

ՌԴ նախագահ Վլադիմիր Պուտինն իր ելույթի ժամանակ «Վագներ»-ի մարտիկներին առաջարկել է պայմանագիր կնքել ՌԴ պաշտպանության նախարարության հետ, վերադառնալ հարազատների ու ընկերների մոտ կամ մեկնել Բելառուս։ «Շնորհակալ եմ «Վագներ» խմբի այն զինվորներին ու հրամանատարներին, ովքեր միակ ճիշտ որոշումն են կայացրել՝ եղբայրասպան արյունահեղություն չեն արել, կանգնել են վերջնագծի մոտ։ Այսօր դուք հնարավորություն ունեք շարունակել ծառայել Ռուսաստանին՝ պայմանագիր կնքելով ՊՆ-ի հետ կամ այլ իրավապահ մարմինների, կամ վերադառնալ ձեր հարազատների ու ընկերների մոտ: Իսկ ով ուզում է, կարող է գնալ Բելառուս, իմ տված խոստումը կկատարվի»,- ասել է Պուտինը։