Մարոկկոն հետ է կանչել Շվեդիայի դեսպանին Ղուրանի այրման պատճառով

Հունիսի 28-ին Մարոկկոյի կառավարությունը Ստոկհոլմից հետ է կանչել իր դեսպանին՝ ի նշան բողոքի՝ Շվեդիայի մայրաքաղաքում մահմեդականների սուրբ գրքի՝ Ղուրանի այրումից հետո, հայտնել է հյուսիսաֆրիկյան թագավորության արտաքին գործերի նախարարությունը։

Դիվանագետը հետ է կանչվել խորհրդակցությունների համար՝ անորոշ ժամկետով, ասվում է գործակալության կայքում։ «Թագավորի բարձրագույն հրամանի համաձայն՝ Ռաբաթ է կանչվել Շվեդիայի գործերի ժամանակավոր հավատարմատարը, խորհրդակցությունների է կանչվել նաև Ստոկհոլմում գտնվող դեսպանը»,- նշվում է հաղորդագրության մեջ։

Աֆրիկյան երկրում Ղուրանի այրումն անվանվել է անպատասխանատու և թշնամական արարք, որն անտեսում էր «ավելի քան մեկ միլիարդ մուսուլմանների զգացմունքները» սուրբ ժամանակաշրջանում:

Չորեքշաբթի օրը՝ հունիսի 28-ին, Ստոկհոլմում 37-ամյա իրաքցի ներգաղթյալ Սալվան Մոմիկան պատռել է Ղուրանի էջերը, սրբել կոշիկները դրանցով, ապա բեկոն լցրել գրքի մեջ և այրել Կուրբանի առաջին օրը քաղաքային մզկիթի մոտ։ Ոստիկանությունը վկայակոչել է դատարանի որոշումը, որը չեղյալ է համարել մուսուլմանների սուրբ գրքի այրման հետ կապված ցույցերի՝ իշխանությունների կողմից սահմանված արգելքը։ Միևնույն ժամանակ Ստոկհոլմի ոստիկանությունը համալրման ուժեր է կանչել ամբողջ երկրից՝ բողոքի ցույցերի ժամանակ անկարգությունները կանխելու համար։