«Ծնկաչոք մարդ կար մեջը. ու դա վերջին 33-ն էր». Համլետ Մազմանյան

Օգտատեր Համլետ Մազմանյանը ֆեյսբուքյան իր էջում գրել է. «Երևան քաղաքի հանրային տրանսպորտը սարսափելի վիճակում է։
Մարդիկ աշխատում են մինչև գիշերվա 10-11-ը բայց ավտոբուս կամ երթուղային չկա, որ մարդիկ գործից հետո մի կերպ, ջարդված հասնեն տուն։
Երեկ գիշերը, ինն անց կսեից փորձում էի Մոնումենտից գնալ Բանգլադեշ։ Իբր ավտոբուս պետք է լինի՝ 23 համարը, որը, ինչպես մի քանի հոգի վկայեցին, արդեն մի ժամ սպասում են ու չկա։
Նստած էինք 33 համարի երթուղայինը, բառիս բուն իմաստով, Աստված վկա չեմ խաբում, ծնկաչոք մարդ կար մեջը, չոքել էր ու մարմնի մի մասը պատուհանից դուրս հանել, որ մի կերպ հասնի իր ուզած տեղը։
Մաշտոցի պողոտան ամբողջությամբ լիքը մարդ, վազում են, որ նստեն, տեղ չկա, մի փոքր գազելի մեջ արդեն 30 կարող է դրանից էլ ավելի մարդիկ կային արդեն իրար վրա լցված։ Տառացիորեն շարժվելու տեղ չկար․․․ Ու դա վերջին 33-ն էր, որ եթե մարդկ կամ դրանով չգնային, իրենց ամբողջ օրվա վաստակը պիտի տան, որ տաքսիով հասնեն տուն։ Մենակ Պրոսպեկտում՝ Բանգլադեշ, Մալաթիա գնացող, մի քանի ավտոբուս մարդ կլիներ հավաքված։ Բայց չկային էդ ավտոբուսները, երթուղայինները։
Ես չեմ հասկանում, թե ի՞նչն է պատճառը, որ մարդկանց Երևանում այս կերպ ստորացնում են ու ստորացրած են պահում։ Բացատրություն չունեմ։ Եթե ավտոբուսները մինչև ինն են աշխատում, բա մարդիկ իննից հետո ո՞նց հասնեն տուն։
Ու բոլորը աշխատողներ էին, շատերին հատուկ հարցրել եմ»։