Բունդեսթագում կողմ են, որ Ուկրաինան ՆԱՏՕ-ին անդամակցվի մաս-մաս

ՆԱՏՕ-ի անդամ դառնալու՝ Ուկրաինայի ցանկությունը հնարավոր է բավարարել, եթե սկզբում դաշինքի մաս կազմեն երկրի՝ միայն Կիևի կողմից վերահսկվող մասերը։ Նման կարծիք է հայտնել Գերմանիայի սոցիալ-դեմոկրատական ​​կուսակցությունից Բունդեսթագի արտաքին քաղաքականության հանձնաժողովի նախագահ Միխայել Ռոթը։

Քաղաքական գործիչը հորդորել է ՆԱՏՕ-ին անդամակցելու պայման չդարձնել իդեալական խաղաղությունը ողջ ուկրաինական հողի վրա, այլ «ավելի լայն մեկնաբանել» դաշինքին Ուկրաինայի անդամակցության պայմանագրային հիմքերը։

Ռոթը կարծում է, որ Կիևի կողմից վերահսկվող տարածքները պետք է «որքան հնարավոր է շուտ» դառնան ՆԱՏՕ-ի տարածքի մաս, ինչը կապահովի ՆԱՏՕ-ի պայմանագրի 5-րդ հոդվածը (որը վերաբերում է կոլեկտիվ պաշտպանությանը) Ուկրաինայի այս հատվածում կիրառելու հնարավորությունը։ Ժամանակին օգնություն ցուցաբերելու ռազմական բլոկի պարտավորությունը դեռ չի վերաբերի Ուկրաինայի մյուս տարածքներին, ասել է գերմանացի պատգամավորը։

Ավելի վաղ Իտալիայի վարչապետ Ջորջիո Մելոնին հայտարարել էր, որ Հյուսիսատլանտյան դաշինքը պետք է Ուկրաինային անվտանգության իրական երաշխիքներ առաջարկի ՆԱՏՕ-ի գագաթնաժողովի ժամանակ, որը կանցկացվի հուլիսի 11-12 Վիլնյուսում։ Նրա խոսքով, «հակամարտությունն իր հետ բերում է հետևանքների դոմինոներ, որոնց պատասխանները պետք է տա ​​Եվրոպան»։