«Խաղաղության պայմանագրի տեքստը դեռ պատրաստ չէ ստորագրման». Նիկոլ Փաշինյան

«Որքան էլ իրերի դրությունն այսօր դժվար է՝ բարոյական, քաղաքական, անվտանգային, էմոցիոնալ առումով, խաղաղության օրակարգի իրացումն այլընտրանք չունի: ԼՂ հայության իրավունքներն ու անվտանգությունը պետք է հասցեագրվեն Բաքու-Ստեփանակերտ երկխոսության միջազգային մեխանիզմների շրջանակերում, իսկ ՀՀ-ի ու Ադրբեջանի միջև պետք է խաղաղության պայմանագիր ստորագրվի»,- Կառավարության նիստի մեկնարկին հայտարարեց ՀՀ վարչապետը՝ նշելով, վաշինգթոնյան վերջին բանակցություններում արձանագրված առաջընթացը շոշափելի չէ, բայց որոշակի դինամիկա կա: Նա տեղեկացրեց, որ առաջիկայում Բրյուսելում նախատեսվում է իր հանդիպումը Ադրբեջանի նախագահի հետ: «Ցավոք, ՀՀ-ի ու Ադրբեջանի միջև խաղաղության պայմանագրի տեքստը դեռ պատրաստ չէ ստորագրման: Հույս ունեմ առաջիկա հանդիպման ընթացքում առարկայացնել Վաշինգթոնում արձանագրված դրականը»,- նշեց Փաշինյանը: