Ռուսաստանը հրթիռային հարված է հասցրել Լվովին. հայտնի է 5 զոհի և 40 վիրավորի մասին

Հուլիսի 6-ի գիշերը ռուս զինվորականները հրթիռային հարված են հասցրել Լվովին։ Հայտնի է 5 զոհվածի մասին, վնասվել է մոտ 50 շինություն։ Պատերազմի սկզբից ի վեր սա Լվովի քաղաքացիական ենթակառուցվածքների վրա ամենամեծ հարձակումն է, հայտնում են տեղական իշխանությունները:

Լվովի քաղաքապետ Անդրեյ Սադովյը հայտնում է, որ հրթիռի բեկորները հարվածել են բնակելի շենքին։ «Շտապ օգնության աշխատակիցները մարդկանց դուրս են բերում փլատակների տակից»,- գրել է նա թելեգրամ-ալիքում։ Վերջին տվյալներով, զոհվել է հինգ մարդ՝ 32-ից 63 տարեկան չորս կին և 35 տարեկան 1 տղամարդ։ Ներքին գործերի նախարարության տվյալներով՝ վիրավորների թիվը հասել է 40-ի։ Վնասվել է մոտ 60 բնակարան և 50 ավտոմեքենա։ Քաղաքապետը հավելել է, որ տների տանիքները պարզապես պայթել են, վնասվել է գրասենյակային համալիրը, Լվովի պոլիտեխնիկական համալսարանի հանրակացարանը։ Տեղում գործում է օպերատիվ շտաբ։