Ադրբեջանի ԶՈՒ-ն Արցախում կրակ է բացել քաղաքացիական անձանց ուղղությամբ

Արցախի Մարտունու շրջանում հուլիսի 7-ին՝ ժամը 19:00-ից ժամը 19։26-ն ընկած ժամանակահատվածում Ադրբեջանի ԶՈւ-ն խախտել է հրադադարը՝ հրաձգային զենքից և 60 մմ տրամաչափի ականանետից կրակ բացելով Մաճկալաշեն գյուղի դաշտերում գյուղատնտեսական աշխատանքներ կատարող կոմբայնի ուղղությամբ, հաղորդում են Արցախի Պաշտպանության նախարարությունից։
Հայկական կողմում տուժածներ չկան։

Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։