ԱՄՆ-ն համաձայնել է կասետային զինամթերք փոխանցել Ուկրաինային

ԱՄՆ-ն համաձայնել է կասետային զինամթերք փոխանցել Ուկրաինային, հայտարարել է ԱՄՆ-ի ազգային անվտանգության հարցերով խորհրդական Ջեյք Սալիվանը։ «Մենք գիտենք, որ կասետային զինամթերքը վտանգ է ներկայացնում խաղաղ բնակչության համար, այդ իսկ պատճառով մենք հնարավորինս հետաձգեցինք այս որոշումը»,- բացատրել է Սալիվանը:

Նաև Ամերիկայի նախագահի խորհրդականն ասել է, որ Ուկրաինան տրամադրել է գրավոր երաշխիքներ, ինչը նվազագույնի է հասցնում խաղաղ բնակչության համար ռիսկերը։

Խոսելով «գրավոր երաշխիքների» մասին՝ Սալիվանն ասել է, որ Ուկրաինան պնդում է կասետային զինամթերքի անհրաժեշտությունը՝ միաժամանակ երաշխավորելով, որ զինամթերքը կօգտագործվի միայն մարտի դաշտում:

«Բայց առաջնագիծն անընդհատ փոխվում է, ուստի մենք չենք կարող հստակ որոշել դրանց օգտագործման վայրը քարտեզի վրա»,- ասել է ԱՄՆ-ի նախագահի խորհրդականը։