Նորվեգական հյուրանոցում սպանել են ուկրաինուհու. կասկածվում է ադրբեջանցի կենակիցը

Նորվեգիայում փախստականների համար նախատեսված հյուրանոցում դաժանաբար սպանել են Ուկրաինայի 30-ամյա քաղաքացուն. նրա 30-ամյա զուգընկերոջը՝ Ադրբեջանից, կասկածում են կնոջ սպանության մեջ։ Սպանությունը տեղի է ունեցել Բերգենի կենտրոնի մոտ գտնվող Magic Hotel Solheimsviken հյուրանոցում։ Հյուրանոցում բնակվում են Ուկրաինայից փախստականներ։ Երեխան բնակվելիս է եղել մոր հետ նույն հյուրանոցում, սակայն հայտնի չէ՝ արդյոք սպանության պահին մոր մոտ է եղել։

Մահացած կնոջը գտել են հյուրանոցի աշխատակիցները։ Նրան գտել են սենյակներից մեկում։ Բժիշկները փորձել են փրկել ուկրաինուհուն, սակայն նա ստացած վնասվածքներից մահացել է։ Նորվեգիայի ոստիկանությունը հրաժարվել է մեկնաբանել, թե կոնկրետ ով է սպանել ուկրաինուհուն՝ նշելով, որ հետաքննություն է ընթանում։

Սպանության մեջ կասկածվողը ադրբեջանցի էր։ Հենց նա էլ եղել է ուկրաինուհու երեխայի հայրը։ Հինգշաբթի օրը ամբաստանյալի նկատմամբ որպես խափանման միջոց է կիրառվել կալանավորումը։ Տղամարդը կտրականապես հերքում է իր մեղքը, սակայն ոստիկանությունը պնդում է, որ ապացույցներ ունի սպանությանը նրա մասնակցության մասին։