«Պատրաստ ենք պայքարել մինչև վերջ». Ռուբեն Վարդանյան

«Մենք ունենք շրջափակում, որ ամեն օր վատացնում է իրավիճակը. սննդի, դեղորայքի, վառելիքի խնդիրը գնալով ավելի է խորանում»,- «Սփյուռք-Արցախ-Հայաստան. համագործակցություն» թեմայով քննարկման ժամանակ ասել է Արցախի նախկին պետնախարար Ռուբեն Վարդանյանը՝ անդրադառնալով Արցախում ստեղծված իրավիճակին: «Պետք է կարողանանք մեր ոգին ուժեղացնել, կամք ցուցաբերել, հասկանալ, որ ինչքան էլ փոքր ենք, պատրաստ ենք պայքարել մինչև վերջ, պահպանել մեր հայրենիքը»,- նշել է Վարդանյանը՝ հավելելով, որ պայքարը ոչ միայն հայրենիքը զենքով պաշտպանելն է, այլ կրթության, առողջապահության և այլ ոլորտներում լավագույնը դառնալը: