«Նոր փուլի մեկնարկ». մեկնարկել է Բայդեն-Էրդողան հանդիպումը

Վիլնյուսում՝ ՆԱՏՕ-ի գագաթնաժողովի շրջանակներում, մեկնարկել է Ջո Բայդենի և Ռեջեփ Էրդողանի հանդիպումը, գրում է Anadolu-ն։
Հանդիպման ընթացքում Թուրքիայի նախագահը հայտարարել է ԱՄՆ-ի հետ հարաբերությունների նոր փուլի մեկնարկի մասին։

Շնորհակալություն հայտնելով վերընտրվելու կապակցությամբ շնորհավորանքների համար՝ Էրդողանը հավելել է. «Կարծում եմ, որ այժմ եկել է ռազմավարական մեխանիզմի շրջանակներում պետությունների ղեկավարների մակարդակով խորհրդակցությունների ժամանակը։ Այսօր ես ՆԱՏՕ-ում այս հանդիպումը դիտարկում եմ որպես դրա առաջին քայլը:
Ինձ համար նախագահական նոր հնգամյա ժամկետ է սկսվել: Հիմա էլ դուք եք պատրաստվում ընտրություններին։ Նախապես հաջողություն եմ մաղթում այս գործընթացում»։