Բայդենն ասել է, որ Զելենսկու հետ հանդիպումը «շատ լավ է անցել»

ԱՄՆ նախագահ Ջո Բայդենը Վիլնյուսից մեկնելուց առաջ ասել է, որ ՆԱՏՕ-ի գագաթնաժողովում իր հանդիպումը Ուկրաինայի նախագահ Վլադիմիր Զելենսկու հետ «շատ լավ է անցել»։
«Մենք միասին անցկացրել ենք մոտ մեկ ժամ, և ես կարծում եմ, որ ճիշտ ուղու վրա ենք»,- մեջբերում են ուկրաինական լրատվամիջոցները։

Բայդենն ասել է, որ ինքը ոչ մի ճանապարհ չի տեսնում, որպեսզի Ուկրաինան միանա ՆԱՏՕ-ին մինչև ռազմական գործողությունների ավարտը, սակայն հավելել է, որ ուկրաինացի զինվորականները «լավատեսորեն» են տրամադրված հակահարձակման հարցում:

Բայդենը նաև ասել է, որ «աշխատում» է Ուկրաինա նոր հրետանային համակարգերի հնարավոր տեղափոխման հարցով։ Սպիտակ տունը, միևնույն ժամանակ, սոցիալական ցանցերում տարածել է գագաթնաժողովի արդյունքներն ամփոփող հայտարարություն. «Այսօր նախագահ Ջո Բայդենը հանդիպեց մեր դաշնակիցների և գործընկերների հետ՝ քննարկելու, թե ինչպես ենք մենք պաշտպանելու ժողովրդավարական արժեքները: ՆԱՏՕ-ն ավելի ուժեղ է և ավելի միասնական, քան երբևէ»: