Ի՞նչ է խոստացել Բայդենն Էրդողանին՝ Շվեդիային ՆԱՏՕ ընդունելու դիմաց

ԱՄՆ նախագահ Ջո Բայդենը Թուրքիայի նախագահ Ռեջեփ Թայիփ Էրդողանին խոստացել է Արժույթի միջազգային հիմնադրամի կողմից 11-13 միլիարդ դոլարի ֆինանսական օգնություն՝ Շվեդիայի՝ ՆԱՏՕ-ին անդամակցելու դիմաց։ Այս մասին Substack հարթակի բլոգում գրել է լրագրող Սեյմուր Հերշը։

«Բայդենը խոստացել է, որ ԱՄՀ-ն Թուրքիային կտրամադրի 11-13 միլիարդ դոլարի՝ այդքան անհրաժեշտ վարկային գիծ»,- ասել է Հերշը։

Թուրքիան համաձայնել է հանել Շվեդիայի՝ ՆԱՏՕ-ին անդամակցելու արգելքը։ Շվեդիան իր հերթին խոսք է տվել Թուրքիային չաջակցել այն կազմակերպություններին, որոնք Անկարան ճանաչել է ահաբեկչական։ Վիլնյուսում կայացած հանդիպման ժամանակ Բայդենը դիմել է Էրդողանին՝ առաջարկելով ստեղծել հաղորդակցության ուղիղ ալիք՝ քննարկելու «արագ փոփոխվող իրադարձությունները»։