Ուկրաինայի գլխավոր շտաբը նշել է, թե որտեղ են ընթանում ամենածանր մարտերը

Ռուսական զորքերն իրենց հիմնական ուժերը կենտրոնացնում են Կուպյանսկի, Լիմանի, Բախմուտի, Ավդեևկայի և Մարյինի ուղղություններով։ Այնտեղ շարունակվում են ծանր մարտերը։ Այս մասին հաղորդվում է Ուկրաինայի զինված ուժերի գլխավոր շտաբի երեկոյան ամփոփագրում։

Նշվում է, որ օրվա ընթացքում այս շրջաններում տեղի է ունեցել մոտ 20 բախում։

Հաղորդվում է նաև, որ Ուկրաինայի զինված ուժերի ինքնաթիռները մեկ օրում 13 հարված են հասցրել անձնակազմի կենտրոնացման վայրերին և 1 հարված՝ ռուսների զենիթահրթիռային համակարգին։ Ուկրաինայի զինված ուժերի հրթիռահրետանային ստորաբաժանումները օրվա ընթացքում կրակային դիրքերում խոցել են 9 հրետանային զինատեսակներ։