«Մենք անցնում ենք Հայաստանի և Ադրբեջանի միջև բանակցությունների ամենաընդգրկուն և եռանդուն փուլերից մեկը». Միշել

ԵԽ նախագահ Շառլ Միշելի մամուլի ասուլիս է տվել Ադրբեջանի նախագահ Ալիևի և Հայաստանի վարչապետ Փաշինյանի հետ եռակողմ հանդիպումից հետո. «Քիչ առաջ ավարտեցինք նախագահ Ալիևի և վարչապետ Փաշինյանի հետ վեցերորդ հանդիպումը։

Մեր մտքերի փոխանակումները կրկին եղել են անկեղծ, ազնիվ և առարկայական:

Մեր հանդիպումը վերջինն էր Բրյուսելում, Քիշնևում, Վաշինգթոնում, Մոսկվայում ևՀայաստանի և Ադրբեջանի սահմանին փոխվարչապետների և արտաքին գործերի նախարարների մասնակցությամբ ինտենսիվ և արդյունավետ բարձր մակարդակի հանդիպումների շարքից:

Մենք անցնում ենք Հայաստանի և Ադրբեջանի միջև բանակցությունների ամենաընդգրկուն և եռանդուն փուլերից մեկը։

Ես գովաբանեցի առաջնորդներին խաղաղ գործընթացին իրենց ամուր նվիրվածության համար և խրախուսեցի նրանց հետագա խիզախ քայլեր ձեռնարկել՝ ապահովելու վճռական և անշրջելի առաջընթաց կարգավորման ուղում։

Եվ թեև մեր հանդիպումը տեղի ունեցավ տեղում լարվածության մտահոգիչ աճի համատեքստում, ես կարևոր թափ նկատեցի քաղաքական քննարկումներում և ջանքերում։

Մենք քննարկել ենք օրակարգային բոլոր հարցերը»։