Երկուշաբթի, 02 նոյեմբերի, 2026 թ.
|
Ստեփանակերտում`   +10 °C

ՄԱԿ-ի գլխավոր քարտուղարը հիասթափված է Ռուսաստանից

ՄԱԿ-ի գլխավոր քարտուղարը հիասթափված է Ռուսաստանից
2771
Երկուշաբթի, 17 հուլիսի, 2023 թ., 20:24

ՄԱԿ-ի գլխավոր քարտուղար Անտոնիո Գուտերեշն ասել է, որ խորապես ափսոսում է սևծովյան հացահատիկի գործարքից դուրս գալու՝ Ռուսաստանի որոշման համար: «Ռուսաստանի Դաշնության այսօրվա որոշումը կհարվածի կարիքավոր մարդկանց ամենուր... Հարյուր միլիոնավոր մարդիկ կանգնած են սովի, իսկ սպառողները՝ կենսական ծախսերի համաշխարհային ճգնաժամի առաջ: Նրանք են վճարելու այս ամենի դիմաց»,- ՄԱԿ-ի գլխավոր քարտուղարի խոսքերն է մեջբերում BBC-ն։

Գործարքի կասեցումը նշանակում է, որ ՄԱԿ-ի և Մոսկվայի միջև համապատասխան պայմանագիրը, որը նախատեսված էր ռուսաստանյան հացահատիկի և պարարտանյութերի արտահանումը հեշտացնելու համար, նույնպես դադարեցվել է, հավելել է Գուտերեշը՝ ընդգծելով, որ ՄԱԿ-ի նպատակներից մեկը համաշխարհային պարենային անվտանգության ապահովումն է և պարենի համաշխարհային գների կայունությունը։

Գուտերեշը նամակ է հղել ՌԴ նախագահ Վլադիմիր Պուտինին հացահատիկի համաձայնագիրը պահպանելու նոր առաջարկով։ Այս մասին Twitter-ում հայտնել է նրա ներկայացուցիչը։

Կարդացե՛ք նաև