Լեհաստանում կալանավորվել են ռուս գործակալներ. նրանք պատրաստվում էին զենքի գնացքներ պայթեցնել

Լեհաստանում ձերբակալվել է 15 մարդ, ովքեր կասկածվում են Ռուսաստանի օգտին աշխատելու մեջ։ Քննիչների խոսքով՝ նրանք ծրագրել են պայթեցնել գնացքները, որոնք զենք ու մարդասիրական օգնություն պետք է տանեին Ուկրաինա։ Այս մասին գրում է Gazeta Polska-ն՝ վկայակոչելով իր աղբյուրներին։

Ըստ տեղեկությունների, սա Լեհաստանում գործող՝ պատմության մեջ ամենամեծ ռուսական հետախուզական ցանցն է։ Դրանում ներառված են եղել Բելառուսի, Ռուսաստանի և Ուկրաինայի քաղաքացիներ։

Բացի դիվերսիա պատրաստելուց, նրանք պետք է տեղեկություններ հավաքեին Մոսկվայի համար, լուսանկարեին ռազմական և քաղաքացիական օբյեկտները, հրահրեին հակաուկրաինական և հականատօական տրամադրություններ։

Հրատարակության տվյալներով՝ նրանց երկար ժամանակ հետևել են և կալանավորել, երբ «սպանությունների վտանգը չափազանց մեծ է դարձել»։