Սարսափելի ահաբեկչություն Պակիստանում. կան տասնյակ զոհեր, հարյուրավոր վիրավորներ

Առնվազն 35 մարդ է զոհվել Պակիստանի հյուսիս-արևմուտքում գտնվող Խայբեր Փախտունխվա նահանգում Իսլամական գիտնականների ասամբլեայի կուսակցության համագումարում մահապարտ-ահաբեկչի իրականացրած պայթյունի հետևանքով։ Այս մասին հայտնում է Geo News հեռուստաալիքը՝ հղում կատարելով արտակարգ իրավիճակների ծառայություններին և տեղական իշխանություններին։
Ավելի քան 200 մարդ տարբեր ծանրության վնասվածքներ է ստացել, նրանք հոսպիտալացվել են։

Պայթյունը տեղի է ունեցել տեղական ժամանակով ժամը 16:00-ի սահմաններում, երբ կուսակցության առաջնորդներից մեկը խոսելի է եղել մի խումբ կողմնակիցների հետ, որոնց ընդհանուր թիվը եղել է մոտ 400 մարդ, նշել են իրավապահները:

Պակիստանի վարչապետ Շահբազ Շարիֆը հրամայել է հետաքննել միջադեպը և գտնել մեղավորներին, նշում է Geo News-ը։

Տեղի ոստիկանությունը հայտնում է, որ միջադեպի պատասխանատվությունը դեռ ոչ ոք չի ստանձնել: