Հայաստանի և Ադրբեջանի ղեկավարները բացառիկ հարցազրույց են տվել Euronews-ին

Օգոստոսի 1-ի երեկոյան դիտեք «Գլոբալ երկխոսություն» հաղորդաշարի ամբողջական հարցազրույցը Euronews-ում և euronews.com-ում:

Տասնամյակների հակամարտությունից հետո Հայաստանն ու Ադրբեջանը խաղաղության զգուշավոր բանակցություններ են վարում ԵՄ միջնորդությամբ:

«Գլոբալ երկխոսություն» ծրագրի համար բացառիկ հարցազրույցներում երկու առաջնորդները զրուցել են Euronews-ի գլխավոր միջազգային թղթակից Անելիզ Բորխեսի հետ:
«Կարծում եմ, որ ճիշտ է հուսալ, բայց միայն՝ եթե հայկական կողմից տեսնենք կառուցողական մոտեցում, և որ ամենակարևորը, նրանք ամբողջությամբ հրաժարվեն մեր տարածքային ամբողջականությունը վիճարկելու՝ իրենց բոլոր ձգտումներից, այդժամ մենք կկարողանանք շատ խաղաղ լուծում գտնել շուտով, գուցե նույնիսկ մինչև տարեվերջ»,- ասել է Ադրբեջանի նախագահ Իլհամ Ալիևը։

Թեև խորը պառակտումները մնում են, վարչապետ Փաշինյանը ընդունում է, որ բանակցողները պատմական պատասխանատվություն ունեն իրենց ժողովուրդների առաջ։
«Երևի կա մի բան, որով ես կուզենայի դիմել Հայաստանի հանրությանը և Ադրբեջանի հանրությանը, քանի որ Հայաստանի և Ադրբեջանի հանրությունները պետք է խաղաղություն պահանջեն իրենց կառավարություններից, սա պետք է ձևակերպվի՝ որպես հանրային պահանջ, խաղաղություն, ինչպես նաև ճկունություն և այս պահանջը կատարելու կարողություն»,- ասել է ՀՀ վարչապետ Նիկոլ Փաշինյանը։

Հարցազրույցն ամբողջությամբ կհրապարակվի օգոստոսի 1-ին ժամը 19:30-ից: