«Արցախի եռագույնը երեք տասնամյակ չարագույժ սիմվոլիկա է պարունակել». Հ. Խաչատրյան

ՍԻՄ նախկին նախագահ Հրանտ Խաչատրյանի գրառումը․ «Գաղտնիք չէ, որ դեռևս Արցախի անկախությունը փաստացի հռչակելուց առաջ այդ գաղափարը գնահատել եմ որպես դեֆակտո Հայաստանի հետ վերամիավորված Արցախը մայր հայրենիքից մեկուսացնելու քայլ։

Թեև երբեք բարձրաձայն չեմ արտահայտվել, բայց Արցախի դրոշի վրայի, պարիսպի աղյուսներ հիշեցնող սպիտակ ուղղանկյունները վրաս ճնշող տպավորություն են գործել։

Որպես փաստերի հետ հաշվի նստող մասնագետ, մտքումս պատկերացրել եմ, որ անկախ Արցախի եռագույնը այնքան բարձր ու այնպես ուժեղ պետք է ծածանենք, որ արդյունքում այդ ուղղանկյուն լաթերը հերթով պոկվեն ու քամու բաժին դառնան որքան հնարավոր է մեզնից հեռու։

Այսօր ինձ համար հայտնաբերեցի, որ Արցախի եռագույնը երեք տասնամյակ չարագույժ սիմվոլիկա է պարունակել.
Կապույտ շերտի մեջտեղում կարված ուղղանկյուն լաթը պետք է հանվեր՝ Բերձոր կենտրոնով Քաշաթաղի շրջանը ԼՂՀ-ի կազմում ընդգրկվելուց անմիջապես հետո։
Չհանեցինք՝ ու կյանքի ճանապարհը նորից փակվեց …

Առաջարկում եմ Արցախի համար հայոց պայքարի նոր շրջափուլի նոր խորհրդանիշը։
Այն է պետք ավելի բարձր ու ավելի ուժեղ ծածանել ...»: